Eroplanong Papel

-

Sa ngayon, mas mabuti na sulatan ka ng liham kaysa sumigaw sa kalsada at bumulong sa kalangitan. Alam ko namang naririnig mo 'yung bawat tintang dumadampi sa mga pahinang ito. Batid kong nauunawaan mo ang bawat hikbi ng talata at tuldok.

Alalahanin mo na may nagmamahal sa'yo. Siya na lumikha sa'yo ay hindi ka iniwan at pinabayaan kailanman. Siguro nasaktan ka ng mundo, pero hindi nagbabago ang pagmamahal niya. Paniwalaan mo sana.

Bitawan mo 'yung galit at sakit sa puso mo. Mabuhay kang malaya. Palayain mo ang sarili mo, at magpalaya ka. Dahil pinalaya ka na ni Hesus. Pinatawad ka na ng Diyos. Binigay niya si Hesus para mamatay para sa mga kasalanan mo para hindi ka mapahamak. Ganu'n ka kamahal ng Diyos. Hindi ka niya inabandona. Ikaw ang nang-iwan at lumimot.

Kahit kailan hindi ka kinalimutan ng Diyos. Hindi siya tao para makalimot. Siya ay Diyos na laging nakakaalala.

Sana ay mapuno ka ng pag-ibig at kapayapaan. Huwag mong hayaan na matalo ka ng mundo. Hindi ka talunan dahil nabubuhay ang Haring pinaglilingkuran mo. Kasama mo siya saan ka man naroon. Malaman mo rin sana na may eroplanong papel na laging nagbabantay sa'yo. Hindi mo man makita pero lumilipad-lipad ito sa kalangitan para bantayan ka.

 

Hanna Grace L. Beltran
Agosto 2022


Comments

Post a Comment

Popular posts from this blog

Kung Nalulungkot ka

-
Hindi ako naniniwala sa relihiyon. Sa tingin ko, isa 'tong hadlang para makilala ng tao ang totoong Diyos. Isa 'tong makapal at malapad na tanikala na humaharang para makita at malaman ng tao ang katotohanan. Kaunti lang 'yung nagbabasa ng Bibliya sa Pilipinas maging sa buong mundo. Kaya kaunti lang din ang nakakaunawa sa mga plano ng Diyos at kaunti lang ang nakakaintindi ng puso ng Diyos. May puso ba ang Diyos? Oo naman. Saging nga may puso Diyos pa kaya. Saka di ba, ginawa tayo na kawangis Niya sabi sa Bibliya. May puso tayo kasi may puso Siya. Akala ko dati mga pari lang dapat 'yung nagbabasa ng Bibliya. Hindi pala. Lahat pala ng tao kailangan ang Bibliya para lumaya siya sa mga maling paniniwala. Araw-araw pala kailangan ng tao ang Bibliya para araw-araw siyang gabayan ng Diyos na lumikha sa Kanya. Sa Bibliya mo pala makakausap ang Diyos. Kaya nga sabi ko, hindi ako naniniwala sa relihiyon kasi 'yan 'yung dahilan kung bakit hindi ko agad nakilala ang Diy...
Read more

Hunyo 15, 2023

-
Why can't I write, Lord? Alam ko po kung bakit hindi ko pwedeng gawin ang gusto ko pero this desire in me is so great. Ang hirap pong pigilan. How I wish that my desire to serve you is as strong as this. In almost all the things that I do, see and watch, I remember you. I remember your Words and voice.  Oh, how great are your thoughts towards me, God. Salamat po dahil lagi mo akong naaalala. Salamat kasi lagi mo akong naiisip kahit na ganito lang ako, Lord, mahina at walang katuturan ang buhay. Salamat dahil sinasabi mo na may halaga ako sa'yo.  You are so great and mighty, Lord. Ang hirap niyo pong abutin. You are so holy and it is so impossible for me to see you and know you, but you made a way, Lord. You made a way. And I love you for that. And I love you Lord just the way you are because you are perfect in all of your ways. It is a thousand better to be in your court, to be in your house than thousand else where. I would always choose to be in your presence that somewhere ...
Read more