dapithapon

Sabi nila haiskul daw 'yung pinakamasayang yugto ng student life. Totoo naman, pero mas gusto ko sa kolehiyo. Doon ako nakatagpo ng mga taong may mga paninindigan at tumintindig sa kanilang mga ipinaglalaban. Marami ang patuloy na lumalaban sa kabila ng mga puwersang humahadlang sa kanila. At may mga ilang din na tumutuklas pa lang kung ano 'yung gusto nilang ipaglaban at pag-alayan ng buhay nila. Isa ako sa mga taong 'yon. At masaya akong sabihin na natagpuan ko sa apat na sulok ng kampus ng PUP 'yung bagay na gusto kong ipaglaban at panindigan hanggang kamatayan. Ito rin ang siyang bagay na patuloy na bumubuhay sa'kin araw-araw. Bihira kang makakilala ng mga taong masasabi mong kahulma mo. 'Yung tipong nagkakasundo kayo sa maraming bagay. Iisa 'yung paniniwala niyo at mithiin, at kapareho ng pananaw tungkol sa maramimg bagay sa mundong ibabaw. Sila 'yung mga taong ayaw mong kalimutan. Si Dom at Maine. Sila 'yung dalawang taong nagpapagaan sa pagl...

Hindi pumasok 'yung propesor namin nu'ng araw na 'yun. Siyempre labis akong natuwa. Ems. Lumabas ako noon ng klasrum namin sa East Wing 300. 'Yun 'yung pinakaunang klasrum namin. Mainit at hindi komportable, pero puno ng istorya at paglaban. Paglabas ko ng pinto, nakita kong nakaupo si Paulo upuang malapit sa dome. Nakatingin sa kawalan. Iniisip siguro 'yung crush niyang binasted siya na sa UST na nag-aaral ngayon. Lumapit ako sa kanya at niyaya siya bumili ng pagkain sa Lagoon. Nu'ng una ayaw niyang sumama. Medyo nadismaya ako. Kaya sabi ko, "Libre kita." Aba mabilis na tumayo ang lolo mo. Kaya ayon, nilibre ko siya ng corndog. At doon nagsimula 'yung friendship namin. Kung friendship mang matatawag 'yun. Kasi ewan ko ba, lumalapit lang siya kapag may kailangan. Ems. Singkit 'yung mata ni Paulo. Maputi at katamtaman 'yung tangkad. Siguro pareho kami ng height. Isa siya sa mga masasabi kong naging close ko kasi pareho kami ng ...

Sa ngayon, mas mabuti na sulatan ka ng liham kaysa sumigaw sa kalsada at bumulong sa kalangitan. Alam ko namang naririnig mo 'yung bawat tintang dumadampi sa mga pahinang ito. Batid kong nauunawaan mo ang bawat hikbi ng talata at tuldok. Alalahanin mo na may nagmamahal sa'yo. Siya na lumikha sa'yo ay hindi ka iniwan at pinabayaan kailanman. Siguro nasaktan ka ng mundo, pero hindi nagbabago ang pagmamahal niya. Paniwalaan mo sana. Bitawan mo 'yung galit at sakit sa puso mo. Mabuhay kang malaya. Palayain mo ang sarili mo, at magpalaya ka. Dahil pinalaya ka na ni Hesus. Pinatawad ka na ng Diyos. Binigay niya si Hesus para mamatay para sa mga kasalanan mo para hindi ka mapahamak. Ganu'n ka kamahal ng Diyos. Hindi ka niya inabandona. Ikaw ang nang-iwan at lumimot. Kahit kailan hindi ka kinalimutan ng Diyos. Hindi siya tao para makalimot. Siya ay Diyos na laging nakakaalala. Sana ay mapuno ka ng pag-ibig at kapayapaan. Huwag mong hayaan na matalo ka ng mundo. Hindi ka...

Wala naman akong balak mag-aral sa PUP. Tadhana na siguro na du'n ako mag-aral. Ganu'n naman talaga 'yong buhay. Misteryoso, nakakabigla at maraming nangyayari na di mo inaasahan. Dapat sa probinsiya na namin ako mag-aaral. Pero may masamang nangyari. Ayoko sanang ikuwento kasi nakakahiya. Pero sige, sa ngalan ng pagkukwento, heto ikukwento ko na lang. Galing ako sa probinsiya namin sa Bikol. Nagtapos ako ng elementarya doon. Namatay 'yung tatay ko pitong taong gulang pa lang ako. Kakagraduate ko pa lang siguro nu'n ng kinder. Speaking of kinder, naalala ko tuloy 'yung titser namin, si Ma'am Teresa. Hindi ko alam kung trabaho ba talaga 'yan ng mga titser sa kinder pero laging naantala 'yung klase namin nu'n kaso marami akong kaklase na tumatae. Du'n sila pinapatae ni ma'am sa likod lang ng klasrum tapos siya rin maghuhugas sa kanila. Nandidiri ako para kay ma'am. Isipi mo 'yon, ikaw naghuhugas ng pwet ng dalawampu mong esdtudy...

               Maraming bawal kapag Kristiyano ka. Maraming bawal at hindi dapat gawin. Kahit nga simpleng pakikinig sa mga kanta, hindi ko nagagawa. Boring. Malungkot. ‘Yan ‘yung naiisip ko dati, at ‘yan din ang mga naiisip ng ibang tao. Pero maling-mali ako. Mas masaya pa ako ngayon kaysa dati na hindi ko pa kilala si Lord. Masayang-masaya. Sobrang saya. Sobrang kumpleto. Sabi nga sa kanta, wala na akong hahanapin pa.           ‘Yung buhay ko dati malungkot at walang patutunguhan. Walang saysay. Boring. Puno ng sakit at pagkukunwari. Puno ng kasamaan at kasalanan. Malungkot na malungkot.           Totoo na maraming bawal at batas na kailangang sundin, pero ‘yung mga batas na ‘yun ni Lord ang siya ring dahilan kung bakit masayang-masaya ako. Mas masaya pala kapag sinusunod mo si Lord. Masaya pala kapag alam mong hindi mo nasasaktan ‘yung Diyos na lu...

Basahin ang Bibliya araw-araw. Manalangin at manatili sa presensiya ng Diyos araw-araw. Makisalamuha sa kapwa mo mananampalataya. ‘Yan ang mga ginagawa ko para mapalapit kay Lord. Siyempre hindi ko ‘yan magagawa kong hindi sa lakas na binibigay sa’kin ng Diyos. Kung gustong lumago ang pananampalataya mo at mas lalong pang maging malalim ang relasyon sa Panginoon, basahin mo ang Bibliya araw-araw. Sabi sa Salmo 1:2 - 3 ASND, Sa halip ay nagagalak siyang sumunod sa mga aral na mula sa Panginoon, at araw-gabi ito ay kanyang pinagbubulay-bulayan. Ang katulad niya ʼ y isang punongkahoy na itinanim sa tabi ng sapa, na namumunga sa takdang panahon at hindi nalalanta ang mga dahon. Magtatagumpay siya sa anumang kanyang ginagawa. Hindi naman sa nagmamayabang, pero para lang magbigay ng halimbawa, sinisigurado ko na araw-araw nakakabasa ako ng 3 hanggang 5 kabanata sa kahit anong aklat sa Bibliya. Sa loob ng pitong araw sa isang linggo, may araw rin na nagpapahinga ako sa pagababasa. Well, nag...

Gusto ko ako 'yung nasusunod. Ayokong may makialam sa ginagawa ko. Buhay ko 'to kaya gagawin ko kung ano 'yung gusto ko.  Mali pala 'yon. Kung sinuko mo na 'yung buhay mo sa Diyos, hindi na dapat ganu'n 'yung paniniwala ko. Kailangan mo palang isuko mula ulo hanggang paa, puso't kaluluwa, pati 'yung nakaraan, kasalukuyan at hinaharap. Kailangan mo pa lang magpabago. Kailangan mo pa lang sumuko.  Dapat pala pinapabago mo 'yung puso't isipan mo sa Kanya. At pinapatanggal mo 'yung mga masasamang bagay sa puso mo. Sabi ni Hesus, puno ng karumihan at kasamaan 'yung puso ng tao. Kaya dapat laging laman ng panalangin mo na sana linisin at baguhin ng Diyos ang matigas at marumi mong puso. At huwag kang tumigil na ipanalangin 'yon hangga't di mo nararamdaman na may nababago sa'yo. Kapag ginawa mong panalangin 'yan, asahan mo na maraming pagsubok ang darating. Normal 'yan. Masakit pero worth it. Ganyan kumilos ang Diyos. Ewa...

Sabi nila magugunaw raw 'yung mundo balang-araw. Babalik si Hesus para iligtas 'yung mga tagasunod niya. Paparusahan ng Diyos lahat ng hindi naniwala sa Anak niya. Gagawa ang Diyos ng bagong mundo. At doon titira habang-buhay 'yung mga tagasunod ng Anak niya. Wala nang iiyak. Wala nang mahihirapan. Wala nang kasamaan at kahirapan. Wala na ang dating mundo. Mahirap paniwalaan. Pero paniwalaan mo man o hindi, 'yan ang totoo. Hindi nagbabago ang katotohanan dahil lang ayaw mong paniwalaan. Hindi kailangang umayon ng katotohanan sa opinyon at nararamdaman mo. Nanatiling katotohanan 'yung katotohanan alam mo man o hindi, nauunawaan mo man o hindi, paniwalaan mo man o hindi. Kaya mabuti pa hanapin mo 'yung katotohanan habang may panahon pa. Subukan mo ring unawain gamit 'yung mga natitirang brain cells sa utak mo. At buksan mo 'yung sarado mong puso para maliwanagan ka. Sabi nila namatay si Hesus para sa mga kasalanan ng tao sa buong mundo. Ibig sabihin, wala ...

Napapaisip ako kung minsan, paano kaya kung hindi pala totoo 'yung Bibliya? Alam kong malabong mangyari 'yun kasi naranasan ko na 'yung maraming bagay na kahit i-deny ko na walang Diyos, may Diyos talaga. Pwede kong itakwil 'yung Diyos pero hindi mawawala 'yung katotohanang alam ko na totoo Siya dahil sa mga naranasan ko na sobrang nakakamangha. Paano kung hindi pala totoo na maliligtas ka lang kapag naniwala ka kay Hesus? Paano kung wala namang susunod na habang-buhay? Paano kung hindi naman totoo 'yung second coming? Paano kung wala pa lang impyerno? Paano kung kasinungalingan lang pala 'yung Gospel? Paano kaya? Edi napunta sa wala lahat ng pinaghirapan ko sa mundong 'to. Kung hindi 'yan totoo, isa pa la akong baliw. Sandali, hindi lang pala ako kundi lahat ng bilyon-bilyong Kristiyano sa buong mundo. Pero paano kung tama pala 'yung sinasabi sa Bibliya? Paano kung totoo 'yung impyerno? Paano kung totoong may buhay na walang hanggan? Paano k...

Hindi ako naniniwala sa relihiyon. Sa tingin ko, isa 'tong hadlang para makilala ng tao ang totoong Diyos. Isa 'tong makapal at malapad na tanikala na humaharang para makita at malaman ng tao ang katotohanan. Kaunti lang 'yung nagbabasa ng Bibliya sa Pilipinas maging sa buong mundo. Kaya kaunti lang din ang nakakaunawa sa mga plano ng Diyos at kaunti lang ang nakakaintindi ng puso ng Diyos. May puso ba ang Diyos? Oo naman. Saging nga may puso Diyos pa kaya. Saka di ba, ginawa tayo na kawangis Niya sabi sa Bibliya. May puso tayo kasi may puso Siya. Akala ko dati mga pari lang dapat 'yung nagbabasa ng Bibliya. Hindi pala. Lahat pala ng tao kailangan ang Bibliya para lumaya siya sa mga maling paniniwala. Araw-araw pala kailangan ng tao ang Bibliya para araw-araw siyang gabayan ng Diyos na lumikha sa Kanya. Sa Bibliya mo pala makakausap ang Diyos. Kaya nga sabi ko, hindi ako naniniwala sa relihiyon kasi 'yan 'yung dahilan kung bakit hindi ko agad nakilala ang Diy...

Dahil sa kuya ko nakilala at nagustuhan ko 'yung Eraserheads. Paborito ko 'yung kanta nilang Minsan, Huling El Bimbo, Huwag mo nang Itanong, Magasin at Ligaya. Halos araw-araw ko yata silang pinapakinggan dati, bago ko makilala si Hesus. 'Yung mga kanta nila 'yung theme song ng buhay ko. Kahit di naman tumpak sa istorya ng buhay ko 'yung mga liriko, gusto ko pa rin kasi nagagandahan ako sa mga mensahe at tono. Kahit nu'ng nakilala at tinanggap ko na si Hesus, nakikinig pa rin ako sa mga kanta nila. Pero dumating 'yung panahon na nangusap sa'kin ang Panginoon. Hindi ko naman narinig audibly pero narinig ko sa puso ko. Pa'no ko naman nalaman na Diyos nga 'yon? Una, hindi ko naman inisip na wag nang makinig sa Eheads. Kusang dumapo sa isip ko 'yung ideya mula sa kawalan. At isa pa, ayoko sa ideya na 'yon. Gustong-gusto ko kaya makinig sa Eheads tapos sasabihin ng isip ko na huminto na sa pakikinig. Kaya sigurado ako, ang Panginoon nga 'y...

Juan 3:16 Sapagkat gayon na lamang ang pag-ibig ng Diyos sa sangkatauhan, kaya't ibinigay niya ang kanyang kaisa-isang Anak, upang ang sinumang sumampalataya sa kanya ay hindi mapahamak, kundi magkaroon ng buhay na walang hanggan. Paniwalaan mo man o hindi, mahal ka ng Diyos. Pinatunayan niya 'yun sa pamamagitan ng anak niyang si Hesus. Pinababa niya si Hesus para mamatay sa mga kasalanan mo. Bakit? Ano ba ang mangyayari kapag walang magbabayad ng kasalanan mo? Edi ikaw mismo ang magbabayad. Pero hindi mo kayang gawin 'yon kaya nga bumaba si Hesus. Kasi hindi mo kaya. Hindi natin kaya.  Kung gusto mong magbayad ng mga kasalanan mo. Madali lang naman 'yon. Kalimutan mo ang Diyos at wag kang sumampalataya Kay Hesus. Pero balang araw mamatay ka at magdudusa sa nag-aalab na apoy, sa impyerno. Bakit naman? Kasi nagkasala ka. Dahil kay Adan at Eba, automatic pagkalabas mo sa sinapupunan ng nanay mo makasalanan ka kasi nga anak ka ni Eba at Adan. Namana mo 'yung kasalanan ...